مطعم إياز في جده
تقييم مطعم إياز الموقع / فرع حي السلامة ، شارع حديقة رامي – فرع شارع حراء باتجاه الغرب قبل دوار التاريخ . . سلام يا ممتتااااع . إياز المعروف بطبخاته و
أكلاته من الكبسات المختلفة مثل المندي و الندي الطايفي و السليق و البرياني و الكابلي و غيرهم … ، طبعا بعض الأكلات تتوفر بشكل يومي و بالنفر مثل المندي و
المضغوط و المضبي اعتقد ، و بعضها يبغالها طلبية كبيرة و حجز مثل البرياني و الكابلي و السليق و ذبايح اللحم ، و يسويلك الأكلة باللي تبغاه يا دجاج و سعر الحبة 40
ريال !!! غالي طبعا ، و يا لحم و السعر يعتمد على نوع الذبيحة ، و مع احتفاليتنا البسيطة حجزنا عنده مندي لحم ذبيحتين حري ، و النتيجة كالتالي
:- . ذبيحتين حري مندي – 8.5/10 – 2400 ريال للذبيحتين – الذبيحة 1700 ريال – في رأيي انه المندي تزيد روعته و لذته كل ما زاد الدهن في الرز ،
و هذا الرز كان نص و نص مو مدهن مره و لا ناشف مره يعني لأصحاب الدايت ممتاز و بشكل عام الرز لذيذ و رائع . اللحم كان جدا ممتاز من ناحية درجة الاستواء
و الطبخ ، مقمر بشكل خفيف من برا و طري من جوا و مكتسب لون استواء ممتاز ، و اللي ساعد على طراوة اللحم هو حجم الخروف المتوسط .
. بشكل عام إياز يعتبر شبه متفوق في طبخ المندي و هناك أفضل و ألذ منه ، الأسعار متفاوته و تتغير من مطعم لمطعم ، هناك الأرخص و الأغلى
، و الحجوزات متوفرة في اي وقت . . كل ما سبق كان رأي شخصي ، و لكم الحرية في إبداء ارائكم داخل إطار الاداب العامة
جميع الحقوق محفوظة لموقع مطاعم جدة © 2024 - Privacy Policy - اعلن معنا
